Аԥсны

Гагра араион аҿы инхо ауаҩы имхуп абџьари 20 нызқь инареиҳаны апатронеи

Sputnik
АҞӘА, хәажәкыра 31- Sputnik. Гагра араион аҿы инхо ауаҩы имхуп абџьари 20 нызқь инареиҳаны апатронеи ҳәа аанацҳауеит Аҩнуҵҟатәи аусқәа рминистрра.
45 шықәса зхыҵуа Цандрыԥшь инхо Сергеи Гомцкиан идбалоуп Калашников иавтоматқәа 4, агранатаршәга, анапылатә ахыԥсаҟьага, акарабин "Тигр", авинтовкақәа 3, урҭ рҟнытә акы Драгунов иснаипертә винтовка, иара убас Иарыгин итапанча.
Абџьар закәаншьаҭада аҵәахра инадҳәаланы ашьаус хацыркуп Гомцкиан атәыла алҵра азин шимам азы ашәҟәы инапы аҵеиҩит.