АҞӘА, мшаԥы 1- Sputnik. Аахыҵ Уаԥстәыла ахада Алан Гаглоев Аԥсныҟа дааит атәыла ахадас иалху Бадра Гәынба иҭоубашьҭаҵара алахәхаразы ҳәа аанацҳауеит Sputnik Аахыҵ Уаԥстәыла атәыла ахада ипресс-маӡаныҟәгаҩ Наталиа Босикова лажәақәа шьаҭас иганы.
Гаглоев аԥсуа-аурыс ҳәааҿы иԥылеит Аԥсны аԥыза-министр актәи ихаҭыԥуаҩ, Аенергетикеи атранспорти рминистр ин.н. Џьансыхә Нанба, Аиустициа аминистр ин.н. Анри Барцыц, Аԥсны иҟоу Аахыҵ Уаԥстәыла ацҳаражәҳәаҩ Олег Боциев.
Аԥсны ахадас иалху Бадра Гәынба иҭоубашьҭаҵара мҩаԥгахоит уаҵәы, мшаԥымза 2 рзы. Алан Гаглоев инаҩсгьы аусмҩаԥгатә сасцәаны иаҭаауеит Урыстәыла ахада Иусбарҭа анапхгаҩы актәи ихаҭыԥуаҩ Сергеи Кириенко, урыстәылатәи асубиектқәа рнапхгаҩцәа, Никарагуеи Венесуелеи рыцҳаражәҳәаҩцәа.