АҞӘА, мшаԥы 1- Sputnik. Аԥснытәи ашколхәыҷқәа "Артек" рсмена хдыркәшеит ҳәа аанацҳауеит Аҵара аминистрра.
Дара алахәын "Артек-Арена" аҿы имҩаԥысыз, акырӡа иблахкыгаз ахыркәшаратә усмҩаԥгатә.
Аԥснытәи ашколхәыҷқәа шәҩык инареиҳаны аицлабрақәеи аолимпиадақәеи рҿы аиааира згаз хымчыбжь "Артек" ирхыргеит.
Урыстәыла Аҵара аминистрреи аԥснытәи аусбарҭеи ирыбжьарҵаз аиқәшаҳаҭрақәа ирыбзоураны, сынтәа ареспублика аҟынтәи ахәыҷқәа рзы аквота хынтәны еизырҳан.