АҞӘА, мшаԥы 1- Sputnik. Иҷыдоу арратә операциаҿ иҭахаз Аԥснытәи аибашьҩы Феликс Гәазаа данҭаха ашьҭахь "Агәымшәараз" аорден ианашьоуп. Абри атәы аанацҳауеит атәыла ахада ипресс-маҵзура.
Уи азы аусԥҟа инапы аҵаҩит Владимир Путин. Аҳамҭа иҭахаз иашьа Гиви инапаҟны ииҭеит Урыстәыла ахада Иусбарҭа аиҳабы актәи ихаҭыԥуаҩ Сергеи Кириенко.
Кириенко Аԥсны ахада ин.н. Бадра Гәынба дицны Џьырхәа ақыҭа даҭааит, Феликс Гәазаа анышә дахьамадоу ашәҭшьыҵәрақәа шьҭаиҵеит.
Сергеи Кириенко инаҵшьны иазгәеиҭеит, урыстәылаа ахә ҳаракны ишыршьо иуадаҩу аамҭазы Аԥсны атәылауаа рыжәҩахыр еибыҭаны адгылара ахьрырҭаз.