АҞӘА, мшаԥы 4 - Sputnik. Аԥсны Жәлар Реизара адепутатцәа Алада-Урыстәылатәи Апарламенттә Ассоциациа 42-тәи аконференциа апленартә еилатәара рхы аладырхәит.
Аԥсны ахьӡала иалахәуп Беслан Ҳалуашь, Аслан Лакоба, Бадрик Ԥлиа.
Апленартә еилатәараҿы иахәаԥшит уаанӡа аилакқәа рҿы излацәажәахьаз 68 азакәанԥҵаратә аԥшьгарақәеи ааԥхьарақәеи.
Алада-Урыстәылатәи Апарламенттә Ассоциациа аԥҵан 2001 шықәсазы, хықәкысгьы иаман еицырзеиԥшу азакәанԥҵаратә аԥшьгарақәеи ааԥхьарақәеи, апарламенттә ԥышәа аимдареи рзы.