АҞӘА, мшаԥы 9 - Sputnik. Алхас Кациа Очамчыра араион ахада инапынҵақәа рынагӡаҩыс даҭоуп
Уи азы аусԥҟа инапы аҵаҩит атәыла ахада Бадра Гәынба.
Алхас Кациа диит 1987 шықәса цәыббра 19 рзы Аӡҩыбжьа ақыҭан. 2010 шықәсазы ибзиаӡаны далгеит Воронежтәи аҳәынҭқарратә абна нхамҩатә академиа.
2010 шықәсазы абна нхамҩатә еилакы аҿы аусура далагеит, 2012 шықәсазы аррамаҵурахь иԥхьеит.
2020 шықәса инаркны "Гәылрыԥшьтәи абнанхамҩа" анаплакы аҿы анапхгаратә маҵураҭыԥқәа ааникылоит.