АҞӘА, мшаԥы 11 - Sputnik. Ахьӡ-аҧша амузеи аартра ргәы иҭоуп Очамчыра.
Ақалақь агәаны аҭыҧ азалхуп ҳәа арадио Sputnik иазеиҭалҳәеит ақалақь аҵара ҟәша аиҳабы ихаҭыҧуаҩ Леила Кәакәасқьырҧҳа.
Лара лажәақәа рыла, аусурақәа нарыгӡоит хатәгәаԥхарала, хара имгакәа Акультура аминистрреи дареи аилацәажәарақәа ирылагоит. Ахаҳә шьҭаҵахоит — Аԥсны раԥхьатәи ахада Владислав Арӡынба диижьҭеи 80 шықәса ахыҵра аҳаҭыраз.