АҞӘА, мшаԥы 12 - Sputnik. Тҟәарчали Аԥсны араионқәак рҿи, иара убас ақыҭақәа Дәрыԥшь, Хәаԥ, Ҷлоу уҳәа рҟны мшаԥымзазы асы леит.
Аҳауагәаҭаҩцәа излаарыцҳауа ала, иахьагьы ашьхарахь асы ауеит. Ашьхарԥыра иахьаҵанакуа ақәабасабаа леиуеит, агаҿа ақәа акырцх алан илеиуеит, адыд мацәыс ҟалоит.
Уаҵәы ақәа леиӡом. Ҽынла 13°C рҟынӡа иԥхаррахоит, секундк ала аԥшаласра 13 метра аҟынӡа инеир алшоит.