АҞӘА, мшаԥы 16 - Sputnik. 2025 шықәса актәи аԥшьбараз Аԥсны ацәгьоурақәа рхыԥхьаӡара еиҳа имаҷхеит иҳаҩсыз ашықәс уажәтәи аамҭахәҭа иаҿырԥшны.
Аҳасабырбатә еилатәараҿы Аԥсны аҩнуҵҟатәи аусқәа рминистрра аштаб аиҳабы Денис Ҭаниа иазгәеиҭеит, ҳазҭоу ашықәс хымз рыҩнуҵҟа ацәгьоурақәа 130 ашәҟәы ишҭагалоу, иҳаҩсыз ашықәс азы урҭ 135 ыҟан. Урҭ рахьтә ҩба — уаҩшьроуп, ҵыԥхгьы усеиԥш иҟан.
Убри аан, Ҭаниа иазгәеиҭеит сынтәа ацәгьоура ӷәӷәақәа рхыԥхьаӡара еизҳаит ҳәа — 46, убри аан иҳаҩсыз ашықәс азы урҭ 44 ыҟан.