АҞӘА, мшаԥы 16 - Sputnik. Аҟәатәи алицеи-интернат аҿы Аԥсны аҭоурых аҿы раԥхьаӡатәи ашәарҭадараз аурок мҩаԥысит.
Аурок "Азинхьчаратә усбарҭақәа Рассоциациа" имҩаԥнагеит, Аҭагылазаашьа ҷыдақәа рминистрреи Аҩнуҵҟатәи аусқәа рминистрреи рыцхыраарала.
150-ҩык ашколхәыҷқәа амҩатә ԥҟарақәа рдырра адагьы, абылра, амашәырқәа, егьырҭ аҭагылазаашьа ҷыдақәа раан ахымҩаԥгашьақәа рҽырзыҟарҵеит.
Аԥхьаҟагьы ас еиԥш аурокқәа атәыла егьырҭ ашколқәа рҿгьы рымҩаԥгара азгәаҭоуп.