АҞӘА, мшаԥы 17 - Sputnik. Урыстәылатәи асахьаҭыхыҩцәа Аҟәа ақалақь Агрба имҩаду аҿы игылоу 9-тәи аҩны аҭӡамцаҟны амуралқәа рҭыхра иалагеит.
Иахьа дара ирылшеит адыргақәа рықәыргылара.
"Уаҟа амагнолиа ашәҭқәа рсахьа ҭыххоит. Ҳара ари аескиз аҩны аҟны инхо ауааԥсыреи ақалақь ахеилаки ишьақәҳарӷәӷәеит", — лҳәеит афонд "Аформа ҿыцқәа" анаԥхгаҩы Наталиа Дульмаченко.
Аҩнеихагылацыԥхьаӡа рҭыӡқәа рҿы асахьақәа ҭырхоит, иаидкыланы ԥшь-сахьак ҟалоит. Х-ескизк шьақәырӷәӷәоуп, аԥшьбатәи макьана ишьақәырӷәӷәам.
Ҭӡык аҟны аусура жәамш рааҟара иадхалоит. Аҟәа ақалақь аҿы жәахыбрак рҭыӡқәа рҟны асахьақәа рҭыхра азгәаҭоуп. Уи азы Урыстәылантәи арахь иааит ԥшьҩык асахьаҭыхыҩцәа.