АҞӘА, мшаԥы 18 - Sputnik. Иахьа Аԥсны раԥхьатәи урыстәыла амашьынаныҟәцагатә ршаҳаҭгақәа рырҭеит ҳәа аанацҳауеит атәыла аҩнуҵҟатәи аусқәа рминистрра.
Атәылауаа рҟынтәи мшаԥы 14 инаркны ашәҟәқәа рыдкылара иалагеит аԥышәаратә режим ала, иахьа аныҟәцаҩцәа азиншәҟәқәа роуит.
Зегьы ааидкыланы 667 зыҳәа алаҵоуп, 332 зиншәҟәы аҭара иазырхиоуп, ари аусеицура бзиа аанарԥшуеит ҳәа иҳәеит Аҩнуҵҟатәи аусқәа рминистр ихаҭыԥуаҩ ин.н. Беслан Ҷкадуа.
Ашәҟәқәа роур алшоит аҩаша инаркны асабшанӡа, асааҭ 09:00 инаркны 18:00 рҟынӡа Аԥсны аҩнуҵҟатәи аусқәа рминистрра иатәу Аҳәынҭавтоинспекциаҿы. Уи азы ареспубликахь иаашьҭуп быжь-ҩык урыстәылатәи аполициа аусзуҩцәа.
Азыҳәа аҭараан Аԥсни Урыстәылеи ртәылауаҩшәҟәқәа аҭахуп, иара убасгьы зыҿҳәара мцац амашьынаныҟәцаратә зиншәҟәы. Амедицинатә ршаҳаҭгеи СНИЛС-и, аҭыӡҭыԥ аҭахӡам, аҳәынҭқарратә баџь ылыргаӡом.