АҞӘА, мшаԥы 22 - Sputnik. Апроект SputnikPRO амодуль ҿыц мҩаԥысит Sputnik Аԥсны апресс-центр аҿы.
Ажурналистцәеи астудентцәеи ирзеиҭарҳәеит аинформациатә хархәагақәа аинтернет-лшарақәа ишрацлабша, аԥхьаҩцәа шрыдрыԥхьалаша, аинтерес зҵоу аконтент аԥҵара шрылшо атәы.
"Ажәабжь зегьы ирылухыр ҟалоит, аинтерес змаӡам астатистикаҵәҟьагьы иалухыр алшоит. Убри аан, ажәабжь хәышықәса зхыҵуа ахәыҷгьы, 70 шықәса зхыҵуа андугьы еилыркаартә иҟазароуп", — ҳәа азгәалҭеит алектор.
Ажәабжьтә индустриа аҿаԥшылара аҽаԥсахит – агазеҭқәеи, арадиои, ателехәаԥшреи аконкуренциа рзыҟарҵоит онлаин-режим иақәыршәаны аус зуа аинтернет-лшарақәа. Аексперт далацәажәеит абри аҭагылазаашьаҿы "аӡсаралшара" шалыршатәу.