АҞӘА, мшаԥы 22 - Sputnik. Аԥыза-министр Владимир Делба Аԥсны Аҵара аминистрра аколлектив анапхгаҩ ҿыц Хана Гәынԥҳа дыдирдырит.
Уаанӡа Хана Гәынԥҳа Гагра араион ахада ихаҭыԥуаҩс дыҟан. Лара ари аҭыԥ аҿы Инал Габлиа длыԥсахит.
Аминистрцәа реилазаара аструктура атәыла ахада ишьақәирӷәӷәеит мшаԥы 18 рзы. Атәыла анапхгара шьақәыргылоуп 15 министрра, аҳәынҭеилакқәа 9, аусбарҭақәа 9 рыла.