АҞӘА, лаҵара 2 - Sputnik. Тҟәарчали уи ааигәа-сигәа иҟоу ақыҭақәеи рҿы аԥшацәгьа ҵысит иаха ҳәа Sputnik адырра аиҭеит араион амцацрцәара-еиқәырхаратә хәҭа аиҳабы Денис Кәыҵниа.
Аԥша ауада рацәа змоу ԥшь-ҩнык рхыбқәа рықәнахит, ахатәыҩнқәа зтәу рҟынтәи макьаназ дырра ыҟаӡам.
Уажәы ақалақь аҿы афымцамч ыҟаӡам. Икаҳаз аҵлақәа ирыхҟьаны ацәаҳәақәа ҧыҵәҵәеит.
"Ақалақь аҿы 24 ҵла каҳаит, уажәы амцацрцәара-еиқәырхаратә хәҭа аусзуҩцәа аԥсабаратә рыцҳара иахылҿиааз ахҟьаԥҟьақәа раԥыхра иаҿуп. Амҩақәа дрыцқьоит, икаҳаз аҵлақәа ԥырҟоит, амҩадуқәеи ашҭақәеи ирықәҳаз аҩнхыбԥҽыхақәа ықәыргоит", – иҳәеит Кәыҵниа.