Аџьынџьтәылатә еибашьра Ду атемала аинтеллектуалтә хәмаррақәа рҟны аҳҭнықалақьтәи араионтә школхәыҷқәа 48-ҩык рдыррақәа ԥыршәеит ҳәа рҳәеит "Москва Аҩны" аусмҩаԥгатәқәа реиҿкааразы аҟәша аспециалист хада Шьарида Ҭыжәбеи, аинтеллектуалтә хәмаррақәа рымҩаԥгатә Валери Берзениеи, арадио Sputnik аинтервиу аҭо.
Ҭыжәбеи Берзениеи ражәақәа рыла, адырра ҵаулақәа аазырԥшыз ашколхәыҷқәа ркомандақәа алкаан.
КВИЗ амҩасшьеи, Аиааира Ду азгәаҭара аҳәаақәа ирҭагӡаны Москва аҩны еиҿнакаауа аусмҩаԥгатәқәеи ртәы инарҭбааны шәырзыӡырҩыр шәылшоит абра.