АҞӘА, лаҵара 9 - Sputnik. Аџьынџьтәылатә еибашьра Дуӡӡаҿы игаз Аиааира 80 шықәса ахыҵра иазку аныҳәатә концерт мҩаԥысит Аҟәа Ахақәиҭра ашҭаҿы.
Аусмҩаԥгатә рхы аладырхәит Аԥсны ахада ихаҭыԥуаҩ Беслан Бигәаа, аԥыза-министр Владимир Делба, Жәлар Реизара-Апарламент аиҳабы Лаша Ашәба.
Аусмҩаԥгатә алагеит Аиааира иацу агәырӷьареи аибашьратә гәыхьи ирызку атеатралтә қәгыларала.
Анаҩс, хыԥхьаӡара рацәала ахәылԥаз асасцәа рҿаԥхьа иқәгылеит Чычба ихьӡ зху Аҟәатәи аҳәынҭқарратә музыкатә ҵараиурҭа ахор, агәыԥ "Аԥсны-67", Ҭемыр Ҭаниа, Хьыбла Мықәба уҳәа ашәаҳәаҩцәа аӡәырҩы.
Дара инарыгӡеит еицырдыруа аибашьратә ашәақәа: "Война священная", "На безымянной высоте", "Смуглянка", "Журавли", иара убас "День Победы".