АҞӘА, лаҵара 10 - Sputnik. Аҟәа иҟалаз ауаҩшьразы ашьаус хацыркуп ҳәа аанацҳауеит Аҧсны апрокуратура хада.
Иазгәаҭоуп, лаҵарамза 9 рзы еилкаам ахаҿқәа асааҭ 11:55 рзы аномерқәа М101ММ RSO зқәыз амашьына шкәакәа Toyota Alphard ала Аинрал Аршба имҩала ибжьалеит.
Закәаншьаҭада иныҟәыргози имҩаныргози абџьар ала дара фынтә рҟынӡа Гарик Аҩӡба иеихсны дыршьит.
Ацәгьоуцәа раанкыларазы ашьаусҧшаара мҩаҧысуеит.