АҞӘА, лаҵара 21— Sputnik. Аԥсны ахада Бадра Гәынба Арепатриациазы аҳәынҭқарратә еилакы ахантәаҩы ҿыц Баграт Боџьгәуа аколлектив дыдирдырит.
"Иахьа уажәраанӡа иҟаҵоу шмаҷымгьы иҟаҵатәу еиҳагьы ирацәоуп. Аиаша еибаҳҳәозар, ҳазхәыцуазар — ахеилак агәҭакқәа анагӡара алшама ҳәа , — мап, иҟаҵатәу аусқәа ыҟоуп, уи аганахьала ҳаӡәыкны арҭ азҵаарақәа ҳаицрызхәыцып ҳәа сгәыӷуеит", — иҳәеит Гәынба.
Баграт Боџьгәуа Гәдоуҭа араион ахадас дыҟан 2020 -2024 шықәсқәа рзы.
Иара убас иахьа Аԥсны ахада Бадра Гәынба атуризм аминистр ҿыц аколлектив дыдирдырит.
Гәынба иазгәеиҭеит, атуризм — Аԥсны аекономика аҿиараҿы хыдара змоу хырхарҭаны ишыҟоу, Логәуа лыҵшәабзиала иус шынаигӡо азы агәыӷра ааирԥшит.
Асҭамур Логәуа — Аҧсны ауаажәларратә палата алахәыла, адәныҟатәи аимадарақәеи, арепатриациеи, адемографиеи рзы акомиссиа ахантәаҩы, Жәлар Реизара афбатәи ааҧхьара адепутат.
Логәуеи Боџьгәуеи рмаҵурахьы раҭаразы аусԥҟа анапы аҵаиҩын лаҵарамза 19 рзы.