АҞӘА, лаҵара 21— Sputnik. Лаҵара 21 рзы Кавказтәи аибашьраҿы иҭахаз ргәалашәара амш азгәарҭоит.
Иахьа Аԥсны имҩаԥгахоит агәалашәаратә усмҩаԥгатәқәа.
Асааҭ 10:00 рзы — Омар Беигәаа ихьӡ зху аҳәаанырцә иҟоу аԥсуаа рҭоурых амузеи аҿы адәныҟатә цәыргақәҵа "Ашьҭраҵла".
Асааҭ 13:00 рзы — Борис Ашәба ицәыргақәҵа "Ҩ-ԥшаҳәак рыбжьара" аартра.
Асааҭ 19:30 рзы — Багаԥшь ихьӡ зху ашҭа аҟынтәи Кавказтәи аибашьраҿы иҭахаз рбаҟа аҟынӡа аҿар рныҟәара алагоит.
Асааҭ 20:00 рзы — Кавказтәи аибашьраҿы иҭахаз рбаҟа амҵан ашәҭқәа рышьҭаҵара.
Асааҭ 20:30 рзы имҩаԥгахоит— агәалашәаратә цәашьы "Ашьамаҟа", ар рымцеиқәҵара, ашәҭырқьақьақәа аӡы рыхҵара.
Иара убас, лаҵара 23 рзы Аҟәа ақалақь аҿы атлетика ласы азы "Нарҭаа реиԥхныҩлара ду" мҩаԥысраны иҟоуп.