АҞӘА, лаҵара 22— Sputnik. Аԥсны аԥыза-министр Владимир Делба аушьҭымҭацәа ашкол ралгара рыдиныҳәалеит ҳәа аанацҳауеит Аминистрцәа Реилазаара апресс-маҵзура.
"11 шықәса ашколтә ԥсҭазаара шәышьҭахьҟа иншәыжьит. Шәҵара ацҵаразы иахәҭаз адыррақәа шәоуит. Ҳтәыла ззанааҭ бзианы издыруа акадрқәа аҭахуп, уи аганахьала шәара ҳшәықәгәыӷуеит", - ҳәа аҳәоит атекст аҿы.
Делба еиҵагыло абиԥарақәа разыҟаҵараҿы арҵаҩцәа русура иамоу аҵакы азгәеиҭеит, аушьҭымҭацәа агәабзиареи, анасыԥи, аҭынч ҧсҭазаареи рзеиӷьеишьеит.