АҞӘА, лаҵара 22— Sputnik. Росавиациа Казан, Нальчик, Уфа ақалақьқәа рҟынтәи Аҟәаҟа аԥырразы азин ҟанаҵеит.
Аусбарҭа асаит аҿы икьыԥхьу адокумент инақәыршәаны, Нальчик-Аҟәа аҳаирпланқәа мчыбжьык ахьтә ҩынтә рыԥырра еиҿнакаауеит аилазаара "ЮВТ-Аэро".
Ари аилахәыра аҳаирпланқәа лаҵара 1 инаркны Москвантәи Аԥсныҟа иԥыруеит, Аԥснынтәи Москваҟагьы ихынҳәуеит.
Казани Уфеи рҟынтәи ареисқәа мҩаԥнагоит аилахәыра "Северный ветер". Ҭаҭарсҭантәи аҳаирпланқәа мчыбжьык ахь хәынтә иԥыруеит, Башкортосҭанынтәи – бжьынтә.
Аҟәатәи аҳаирбаӷәаза аус ауӡомызт 1993 шықәса инаркны. Урыстәыла ацхыраарала уи аиҭашьақәыргалара иалагеит 2023 шықәса рзы, Аԥсни Урыстәылеи рыбжьара аҳаиртә еимадара еиҭашьақәыргылан лаҵарамза 1 рзы.