АҞӘА, лаҵара 24 — Sputnik. Сергеи Багаԥшь ихьӡ зху Аспорттә хан аҿы иаатит Владислав Арӡынба диижьҭеи 80 шықәса аҵра иазку зхы иақәиҭу аиқәԥаразы Ареспубликатә еицлабра.
Аусмҩаԥгатә аартра иалахәын Владислав Арӡынба иԥшәмаԥҳәыс Светлана Џьергениаԥҳа, Аԥсны ахада ихаҭыԥуаҩ Беслан Бигәаа, еицырдыруа аспортсменцәа Рашь Хәытаба, Борис Багаҭелиа, зхы иақәиҭу аиқәԥаразы зҽаԥсазтәыз азыҟаҵаҩ Ӡука Бениа уҳәа аӡәырҩы.
"Ишәзеиӷьасшьарц сҭахуп, аиндаҭлараз ақәгыларақәа зегьы иашаны, агәацԥыҳәара аҵаны, уаршанхо амҩаԥгара, аӡбаҩцәа еилых ҟамҵакәа рус иазнеирц, ари аицлабра аихьӡара ҿыцқәа иршьаҿаны иҟаларц", — ҳәа инаҵшьны иазгәеиҭеит Беслан Бигәаа.
Аицлабрақәа ҩымш имҩаԥыслоит. Урҭ рхы аладырхәуеит Аԥсны, Адыгеиа, Севастополь, Шәача, Краснодар рҟынтәи 2010-2011, 2012-2013 шықәсқәа рзы ииз 170-ҩык инареиҳаны аспортсменцәа. Ҳаамҭазтәи Аԥсуа ҳәынҭқарра ашьаҭаркҩы, Аԥсны раԥхьатәи ахада Владислав Арӡынба диит 80 шықәса раԥхьа, 1945 шықәсазы лаҵара 14 рзы.