АҞӘА, лаҵара 26 - Sputnik. Аԥсны ахада Бадра Гәынбеи Урыстәыла аԥыза-министр ихаҭыԥуаҩ Александр Новаки Кавказтәи аинвестициатә форум аҳәаақәа ирҭагӡаны имҩаԥысыз аиԥылараҿы аԥсуа-аурыс усеицура иадҳәалоу азҵаарақәа жәпакы ирылацәажәеит.
Аԥсны ахада напхгара зиҭо аԥсуа делегациа Кавказтәи аинвестициатә форум ахы аланархәуеит. Ареспублика аԥснытәи аарыхыҩцәа раалыҵқәа зну астенди Аҟәатәи аҳаирбаӷәаза аиҭашьақәыргыларазы аинвестициатә проекти днардыруеит.