Кавказтәи аинвестициатә форум аҟны Аԥсны ицәырнагаз апроектқәа ирхадоу — Аҟәатәи аҳаирбаӷәаза апроек 10-25 шықәса рацәак абиуџьет аганахьала феида аланы изыҟалаӡом ҳәа иҳәеит аусдкылаҩ, ауаажәларратә усзуҩы Абесалом Кәарҷиа.
Кәарҷиа игәаанагарала аинвестициақәа ирыцәшәатәӡам, аха уигь ишыҟауҵо удыруазароуп, иахьа ма уаҵәы иунаҭо еилкааны. Иааҳамоу адгьылқәа зегьы шаны иахьа ираҳҭар, нас уаҵәы ишԥаҟало ҳәа иҳәоит иара.
Ареспублика есышықәса Кавказтәи аинвестициатә форум иалахәуп. Аԥсны ахада Бадра Гәынба напхгара зиҭо аделегациа аилазаараҿы иҟоуп аԥыза-министр ихаҭыԥуаҩ Џьансыхә Нанба, иара убас аекономикеи аенергетикеи рминистрцәа Ҭеимураз Амқәаби Баҭал Мышәбеи.
Арадио Sputnik амҩаԥгаҩ Лана Аԥшьлааԥҳаи ауаажәларратә усзуҩы Абесалом Кәарҷиеи реиҿцәажәара инарҭбааны шәахәаԥшыр ҟалоит Sputnik асаит аҟны.