АҞӘА, лаҵара 29— Sputnik. Сергеи Багаԥшь дыргәаладыршәеит иқыҭа гәакьа Џьгьарда ҳәа аанацҳауеит атәыла ахада ипресс-маҵзура.
Ашәҭшьҭаҵара рхы аладырхәит аҳәынҭқарра ахада Бадра Гәынба, аԥыза-министр Владимир Делба, Аԥсны иҟоу Урыстәыла ацҳаражәҳәаҩ Михаил Шургалин, адепутатцәа, аиҳабыра рлахәылацәа, ауаажәларра.
Сергеи Багаԥшь — Аԥсны аҩбатәи ахада, уи ихьӡ Аԥсны Урыстәыла аҟынтәи азхаҵара аиура иадҳәалоуп. Иԥсҭазаара далҵит 2011 шықәса лаҵара 29 рзы.