АҞӘА, лаҵара 31 — Sputnik. Аҟәарақәа акурорттә аамҭа разыҟаҵара иалагеит ҳәа аанацҳауеит Амчратә усбарҭақәа рассоциациа.
Аԥсны иҷыдоу аҭагылазаашьақәа рминистрра иатәу Аӷба маҷқәа рзы аҳәынҭқарратә инспекциа аӡхәыҵалаҩцәа Аҟәа аӡымҽхак рыҵақәа ррыцқьара иаҿуп. Дара лассы-лассы амшын аҵан аихатә маҭәарқәеи ишәарҭоу агәамсами рыԥшаауеит.
Аӷба маҷқәа рзы аҳәынҭқарратә инспекциа аиҳабы Ҭенгиз Сабуа иажәақәа рыла, есышықәса имҩаԥырго арыцқьарақәа амашәырқәа раԥырҟәҟәааразы ихымԥадоуп.
Аусурақәа мҩаԥгахоит Аԥсны иахьаҵанакуа — Гагра, Пицунда, Афон Ҿыц уҳәа егьырҭ ақалақьқәа рҟны.