АҞӘА, лаҵара 30 — Sputnik. Аԥсны атуризм аминистр Асҭамыр Логәуа Аҟәатәи аҳаирбаӷәаза анапхгареи иареи русеицура азҵаарақәа ирылацәажәеит.
Урыстәылатәи ақалақьқәа рҟынтәи аҳаиреимадарақәа рыҿиаразы иҟоу алшарақәа ирзааҭгылеит, абри атәы аанацҳауеит атуризм аминистрра.
Аусеицура ахырхарҭақәа ирхадоуп — атуроператорцәа дуқәа рҟынтәи апассаџьырцәа рхыԥхьаӡара Шәачатәии Аҟәатәии рҳаирбаӷәазақәа рыбжьара реиҭахшара. Уи атуристцәа зегьы рхыԥхьаӡара аҟынтәи 25% рыла аизырҳара азгәаҭоуп.
Уи адагьы, аинфраструктура аҿиареи аҭагылазаашьа ҷыдақәа рзыхиареи, иаҭахханы иҟалар Аԥсны аҵакыраҿы апассаџьырцәа аҭыԥқәа рзыԥшаареи ирылацәажәан.