АҞӘА, рашәара 10 — Sputnik. Закәаншьаҭада Аԥснынтә Урыстәылаҟа ииаргоз быжь-миллион мааҭ рыхә аҭаҭын аалыҵқәа аанкылоуп ҳәа аанацҳауеит Краснодартәи аҳазалхратә усбарҭа апресс-маҵзура.
Урыстәылатәи аҳазылхратә усзуҩцәа Адлертәи аушьҭратә ҭыԥ аҿы иааныркылеит Volkswagen Crafter амашьына. Амашьына аҩнуҵаҟа иԥшаан акцизтә дыргақәеи ихымԥадатәиу адыргақәеи зқәымыз 52 500 ҭоԥ аҭаҭын.
Аҭаҭынқәеи амашьынеи рымхны ашьаус аартуп.