АҞӘА, рашәара 25 - Sputnik. Аҟәа ақалақь ахада Ҭемыр агрба ԥхынгәымза 5 рзы имҩаԥгахо Аҟәа амшныҳәа иазку аусмҩаԥгатәқәа рплан шьақәирӷәӷәеит.
Ԥхынгәы 5 рзы аҳҭнықалақь аҟны имҩаԥгахоит:
асааҭ 10:00 – 20:00 рзы — Тарас Шамба ихьӡ зху апарк аҿы Аҟәа аҵара аусбарҭа имҩаԥнаго ахәыҷқәа рзы арлахҿыхратә программа,
асааҭ 12:00 – 18:00 рзы — Сергеи Багаԥшь ихьӡ зху ашҭаҿы аԥсуа чысхкқәеи аҳәаанырцә чысхкқәеи ргастрофестиваль, ахәмаррақәа, аицлабрақәа.
асааҭ 16:00 рзы — ахыци ахәымпали, ашахматқәа, ашашкақәа рзы аицлабрақәа,
асааҭ 16:00 рзы — Амузеи абанк аҿы Аҟәа иазку асахьақәа рцәыргақәҵа,
асааҭ 18:00 рзы — Аҟәа агәашьаркыраҿы Самаратәи адоуҳатә оркестр аконцерт,
асааҭ 20:00 рзы — Аԥсуа драмтеатр ашҭаҿы "Сара с-Аҟәа" аконцерт,
22:00 рзы — аныҳәатә салиут.