Аԥсны аҳәынҭқарра ахада Бадра Гәынбеи аицлабра "Аԥсны акоманда" иаиааизи афиналистцәеи реиԥылара мҩаԥысит мышқәак раԥхьа. Афинал аҟынӡа инеиз Ирина Самсониаԥҳа арадио Sputnik аҟны еиҭалҳәеит рпроект аус шадырулози уи ҵакыс иамоуи ртәы.
Самсониаԥҳа дызлаз агәыԥ атәыла ахада идыргалаза арпоект иахьӡуп — "Акультуратә коди аҵаки".
Аԥсуа культуреи, аԥсуа бызшәеи, аԥсуареи реиқәырхароуп ҵакыс иамоу ҳәа азгәалҭеит лара.
Шәахәаԥш астудиаҟынтәи инарҭбаау авидеонҵамҭа.