АҞӘА, ԥхынгәы 2 - Sputnik. Ауаажәларратәи аполитикатәи аусзуҩы Сократ Џьынџьал Аҟәа ҳаҭыр зқәу атәылауаҩ ҳәа аҳаҭыртә хьӡы ихҵоуп.
Уи азы аӡбара рыдыркылеит Аҟәа ақалақьтә Еизара аилатәараҿы.
Сократ Џьынџьал диит 1937 шықәса ԥхынҷкәын 11 рзы Очамчыра араион Агәыбедиа ақыҭан.
1992 ашықәсазы Аԥсны Иреиҳаӡоу Ахеилак ахантәаҩы ихаҭыԥуаҩыс дҟарҵоит, 1993 шықәсазы аԥыза-министрси адәныҟатәи аусқәа рминистрси дҟаҵан, Женева имҩаԥысуаз аиҿцәажәарақәа рҿы Аԥсны аофициалтә делегациа напхгара азиуан.
1994 шықәса инаркны 2002 шықәсанӡа Аԥсны Жәлар Реизара ахантәаҩыс дыҟан. Ауаажәларратә Палата ианышьақәгыла аахыс далахәылоуп.