АҞӘА, ԥхынгәы 7 - Sputnik. Амаҵзура ҷыдақәа русзуҩцәа Челиабинск, Иваново, Тула аобластқәа рҿы Аҩнуҵҟатәи аусқәа рминистрра иатәу амашьынақәа амца рыцразҵоз, афымцатә цәаҳәақәа рышьаҟақәа хызжәоз ԥшьҩык урыстәылаа ааныркылеит.
Урҭ "атеррористҿагылаларатә хыхьчаратә гәаҭара" рхы аладырхәуазшәа рҽырҩашьаны, украинатәи амцҳәаҩцәа рнапынҵақәа нарыгӡон.
Дара рҳәатәы хазҵаз 1992, 2001, 2004 шықәсқәа рзы ииз Урыстәыла атәылауаа роуп. Урҭ 250 нызқь мааҭ инаркны миллион мааҭ рҟынӡа "ишәарҭадоу аԥхьаӡамҭақәа" рахь ииагатәуп ҳәа агәра дырганы анаҩс адиверсиақәа ддырҟаҵон.
Агәызҩара ззыҟоу 20 шықәса рҟынӡа абахҭа иҭаркыр ҟалоит.