АҞӘА, ԥхынгәы 10 - Sputnik. Шәачатәи аҳәынҭқарратә университет аректор инапынҵақәа назыгӡо Наталиа Фролова напхгара азылҭо аделегациа аҵарадырреи, аҭҵаарадырреи, абызшәатә политикеи, адинхаҵареи, амассатә информациа хархәагақәеи рзы Аԥсны Жәлар Реизара-Апарламент аилак инарҭбаау аилатәара иалахәын. Абри атәы аанацҳауеит Жәлар Реизара апресс-маҵзура.
Аилатәараҿы Шәачатәи аҳәынҭқарратә университети ареспубликаҿы иҟоу аҵараиурҭақәеи реимадара азҵаарақәа ирылацәажәеит.
Уи адагьы, ШәАУ ахаҭарнакцәа Апарламент аиҳабы Лаша Ашәбеи дареи реиԥылараҿы ари атема иалацәажәеит.