АҞӘА, ԥхынгәы 14 - Sputnik. Адомино азы Жәларбжьаратәи аицлабра Mexico-2025 аҿы Аԥсны акоманда араӡны медал агеит ҳәа аанацҳауеит Аҳәынҭспортеилакы.
Аицлабрақәа рхы аладырхәит 30-тәылак рҟынтәи 250-ҩык аспортсменцәа, урҭ рхыԥхьаӡараҿы иҟан еиуеиԥшым адунеи ачемпионцәагьы.
"Аицлабра даара иӷәӷәан, аха ҳкоманда хықәкык акәын иамаз – аиааира агара. Ҳара ари араӡны медал ҳазгәдууп, иара гоуп иашарыла адунеи аҿы иреиӷьу ахәмарҩцәа ҳриааины!" — ҳәа иҳәеит Адомино афедерациа апрезидент Ҭемыр Лакербаиа.
Аԥснытәи акоманда иалахәын Саид Ашәба, Инал Какоба, Алмас Габуниа, Инал Аргәын.