АҞӘА, ԥхынгәы 18 — Sputnik. Аԥсны Асоциалтә еиқәыршәара аминистрра Урыстәылантәи асоциалтә цхыраагӡатә шәарақәа ирыдҳәалоу азҵаарақәа рганахь ала атәылауаа рыдыркылалоит ҳәа аанацҳауеит "Аԥсныпресс".
Ацхыраагӡашәарақәа рыҭареи рызшәареи рзы аиҳабырабжьаратә комиссиа аилатәараҿы Урыстәыла асоциалтә цхыраара зауа Аԥсны атәылауаа ашьауӷатә ус раҵаркра ашәарҭара иадҳәалоу аҭагылазаашьа аӡбара амҩақәа ирылацәажәеит.
Ҩганктәи аусеицура аҳәаақәа ирҭагӡаны, аицыӡбарақәеи урыстәылатәи аган аусмҩаԥгатәқәа рыҽрықәыршәареи шхымԥадатәиу азгәаҭан.