АҞӘА, ԥхынгәы 19 — Sputnik. Олег Барцыц Никарагуа иҟоу Аԥсны ацҳаражәҳәарҭа аусзуҩцәа дырԥылеит ҳәа аанацҳауеит Аԥсны Адәныҟатәи аусқәа рминистрра апресс-маҵзура.
Ацҳаражәҳәаҩ Инар Ладариеи ацҳаражәҳәаҩ-иабжьгаҩ Алиас Аибеи рԥылараан аминистр ареспублика адипломатиатә миссиа аусура далацәажәеит.
Иара иазгәеиҭеит Никарагуеи ҳареи ҳаизыҟазаашьақәа рырӷәӷәареи Латинтәи Америка аҟны аимадарақәа рырҭбаареи рзы аусурақәа аҵакы ӷәӷәа шрымоу.