АҞӘА, ԥхынгәы 20 — Sputnik. Абокс азы IBA Адунеи ачемпион Харитон Агрба Гагреи Гәдоуҭеи рыспорттә школқәа амаҭәахәқәа ҳамҭас ириҭеит.
Аҳамҭақәа иреиуоуп — абоксиортә мпылқәа, ампылҭырчқәа, агантельқәа, агириқәа, анаптырԥақәа.
Гагратәи ахәыҷтәы-қәыԥштә спорттә школ аиҳабы Едгар Қриа Sputnik ишазеиҭеиҳәаз ала, Агрбеи дареи реиԥылара гәахәарыла имҩаԥысит.
Ахәыҷқәа ачемпион еиуеиԥшым азҵаарақәа ирҭон. Агрба, иара иганахьала, аспортсменцәа ҿарацәа абжьгарақәа риҭеит.