АҞӘА, ԥхынгәы 21 — Sputnik. Ахәыҷқәа рзы ахәмарҭа ҭыԥ ҿыцқәа хәба дыргылеит Аҟәа.
Ас еиԥш Аԥсны азы аҳамҭа ҟанаҵеит Краснодартәи атәылаҿацә. Ахәмарҭақәа зегь рыла еиқәыршәоуп — ауаргьалақәа, анацәа рзы аҟәардәқәа, ахәыҷқәа рзы ахәқәа, ахәыҷқәа ааха рмоурц азы иаакәыршаны аҵакыра хҟьоуп.
Ахәмарҭа ҭыԥ ҿыцқәа ргылоуп Уасил Лакәаба, Гәымсҭа, Кьараз, Цәыббра 30 рымҩақәа рҟны, иара убас Тарас Шамба ихьӡ зху апарк аҟны. Аргылара-анардадатә хеилак аиҳабы Александр Будни иажәақәа рыла, аамҭа ацҵара зыхҟьаз ахәыҷқәа рзы атәарҭақәа еиҳа ишәарҭам ала рыԥсахразы аӡбара ахьрыдыркылаз ауп.