АҞӘА, ԥхынгәы 21 — Sputnik. Аԥсни Урыстәылеи рыбжьара атауареикәыршара 150 млн доллар рыла еизҳаит 2020 шықәса иаҿырԥшны, абри азы аҳәамҭа ҟаиҵеит атәыла ахада Бадра Гәынбеи Урыстәыла аԥыза-министр ихаҭыԥуаҩ Александр Новаки реиԥылараан.
Гәынба иазгәеиҭеит алҵшәа бзиақәа шаанырԥшыз еицырзеиԥшу 2022-2025 шықәсқәа рзы асоциал-економикатә ҿиаразы аҳәынҭқарратә программа, иҭабуп ахиҳәааит Урыстәылеи, хаҭала Новаки иаадырԥшу адгыларазы.
"Аҩнуҵҟатәи азеиԥшхашәалахәы 90 миллиард мааҭ рҟынӡа еизҳаит. 2020 шықәса иаҿырԥшны 187% рыла еиҳахеит. Арҭ арбагақәа ҳаракуп, еицыҳзеиԥшу апрограмма анагӡараҿы иҳамоу алҵшәақәа аадырԥшуеит", — иҳәеит Гәынба.
Урыстәыла аԥыза-министр ихаҭыԥуаҩ Александр Новак усутә ныҟәарыла Аԥсны даҭааит ԥхынгәымза 21 рзы. Иара далахәхоит 2026-2030 шықәсқәа рызтәи Аԥсны асоциал-економикатә ҿиара аҳәынҭқарратә программа аиқәыршәаразы аусбарҭабжьаратә еилатәара.