Аԥсны

Новак: Урыстәыла азы — Аԥсны игәрагоу ҩызоуп, узықәгәыӷуа партниоруп

Sputnik
АҞӘА, ԥхынгәы 21 Sputnik. Урыстәыла азы — Аԥсны игәрагоу ҩызоуп, узықәгәыӷуа партниоруп ҳәа аҳәамҭа ҟаиҵеит Урыстәыла аԥыза-министр ихаҭыԥуаҩ Александр Новак.
"Ҳара еицаҳзеиԥшу аԥшьагарақәеи агәҭакқәеи ҳамоуп, адунеи аҿы иҟоу аҭагылазаашьазы гәаанагарак еицҳамоуп. Хазы иҭабуп ҳәа ҳҳәоит — Аԥсны иҷыдоу арратә операциаҿы Урыстәыла ианаҭо адгыларазы", — иҳәеит Новак, атәыла ахада Бадра Гәынбеи иареи реиԥылараан.
Аԥсны
Аԥсни Урыстәылеи ртауареикәыршара 150 млн доллар рыла еизҳаит 2020 шықәса иаҿырԥшны
Новак иазгәеиҭеит ареспублика аҿиаразы алшара дуқәа шамоу, урҭ Урыстәыла ацхыраарала рынагӡара шалыршахо.
Убас, 2022-2025 шықәсқәа рызтәи Аԥсны асоциал-економикатә ҿиара аҳәынҭқарратә программа иабзоураны атәылақәа рыбжьара атауареикәыршара 60% рыла еизҳаит. Новак иажәақәа рыла, еиҳа ихадоу акакәны иҟоуп — Урыстәылантәи иаагоу атауарқәа реизҳара адагьы, Аԥснынтәи иалырго атауарқәа рымҽхак ахьышьҭыҵыз.