Аԥсны

Аԥсны урыстәылауаа еиҳа иалыркаауа аныҟәаратә хырхарҭақәа рсиа иалалеит

Sputnik
АҞӘА, ԥхынгәы 23 Sputnik. Аԥсны 2025 шықәсазы урыстәылауаа еиҳа иалыркаауа аныҟәаратә хырхарҭақәа рсиа иалалеит.
Ахархәаратә ҭахра аҭҵааратә центр Роскачество имҩаԥнагаз аҭҵаара инақәыршәаны Аԥсни Таиланди аҳәаанырцәтәи ахырхарҭақәа рсиаҿы ахԥатәи аҭыԥ еицааныркылеит, дара изазҵааз рҟынтәи 13% иалырхит.
Еиду Арабтәи Аемиратқәа аҩбатәи аҭыԥ аҿы иҟоуп (25%), Ҭырқәтәыла актәи аҭыԥ аҿы (33%).
Урыстәыла ауааԥсыра рҟынтәи 52% мацара роуп сынтәа ныҟәара ицахьоу, мамзаргьы ацара згәы иҭоу. Урҭ рҟынтәи 83% атәыла аҩнуҵҟатәи атуризм алырхоит.