АҞӘА, ԥхынгәы 25 — Sputnik. Аԥснытәи апрокуратуратә усбарҭақәа шықәсыбжак иалагӡаны азакәанеилагарақәа 112 аадырԥшит.
Иҳаҩсыз ашықәс азы фымз рыла 101 еилагара аарԥшын ҳәа иҳәеит апрокурор хада ихаҭыԥуаҩ Алиас Ҭраԥшь аихшьаалатә еилатәараҿы. 38-ҩык атәылауаа административтә ҭакԥхықәра рыдҵан.
Агәаҭарақәа рылҵшәақәа рыла, 72 миллион мааҭ инареиҳаны абиуџьети аиҿкаарақәеи ирзырхынҳәын, иҳаҩсыз ашықәс иара абри аамҭазы — 26,2 млн мааҭ иҳәеит Ҭраԥшь.