АҞӘА, ԥхынгәы 30 - Sputnik. Ашьапылампыл аҿиара ацентр аартхоит Гәылрыԥшь араион Дранда ақыҭан.
Апроект еиуеиԥшым аформатқәеи ахырхарҭақәеи змоу ашьапылампылтә дәқәа хәба раԥҵара азгәанаҭоит.
"Футбологиа" адиректор хада Аркади Мариасов иажәақәа рыла, 130-ҩык зкуа асасааирҭеи аспортсменцәа рыкрыфарҭеи рыргылара азыԥхьагәаҭоуп.
Уи адагьы, аҭыԥантәи ауааԥсыра рзы ахәыҷы-қәыԥштә шьапылампылтә школ аартхоит.
Апарламент адепутатцәа апроект азы рыбжьы рҭиит.