АҞӘА, нанҳәамза 1 - Sputnik. Гәылрыԥшь араион ахадара ахаҭарнакцәа Нальчик имҩаԥысуаз аҿар рфорум "Иаку Кавказ" рхы аладырхәит ҳәа аанацҳауеит Аԥсны Аҳәынҭспортеилакы.
Афорум еиднакылеит Нхыҵ-Кавкази, Аԥсни, Аахыҵ Уаԥстәылеи рҟнытә 40-ҩык рҟынӡа ажурналистцәа ҿарацәа, аблогерцәа, амедиаспециалистцәа.
Апрограмма шьақәгылоуп алекциақәа, аҟазара-классқәа, астратегиатә сессиақәа, апрактикатә дыррақәа рыла.
Аусмҩаԥгатә алахәылацәа асоциалтә ҳақәа рҿы иалацәажәеит хра злоу амшхәаԥштә, еиҿыркааит апрофессионалтә медиа-уаажәларра.