АҞӘА, нанҳәа 20 - Sputnik. Жәларбжьаратәи ашьҭазаара зманы Аԥсны иааныркылаз Ҭырқәтәыла атәылауаа Урыстәылаҟа ирырҭеит ҳәа аанацҳауеит Аҳәынҭқарратә шәарҭадаратә маҵзура.
Салдыз Метин, Гиурен Сельчук, Демироз Угур ацәгьоуратә гәыԥ иалахәын, ихьанҭоуи еиҳа ихьанҭоуи ацәгьоурақәа ҟарҵит ҳәа агәҩара ыҟоуп.
Аӡбарҭа аӡбрала, урҭ ашьауӷа рықәҵаны Аԥсны аҵакыра иалырцеит, жәларбжьаратәи аусеицура алшарала урыстәылатәи аган иарҭеит.