Ашьапылампыл аныҳәа: "Аԥсни" "Чертановои" реицыхәмарра

Аҟәа нанҳәамза 30 рзы ахҭыс ду ҟалеит - Аԥсны акоманда раԥхьаӡа акәны урыстәылатәи Амедиатә шьапылампылтә лигаҿы официалла иқәгылеит.

Аҳҭнықалақь астадиона "Динамо" атрибунақәа кәапеишәа иҭәын - ашьапылампыл абзиабаҩцәа абираҟқәа кны, зегьы иреиӷьаршьо ркоманда асимволика шьҭыхны аспортсменцәа ишрыдгыло аадырԥшуан.

"Аԥсны" ари ауха 0:3 ҳәа ишаҵахазгьы, ареспублика ауааԥсыра ари ашьапылампыл аныҳәа акыраамҭа ирхашҭуам.

1 / 17

Аҟәа имҩаԥысит ашьапылампыл аныҳәа ззуҳәаҵәҟьаша.

2 / 17

Акомандақәа "Аԥсни" "Чертановои" еиԥылеит астадион "Динамо" аҿы.

3 / 17

Аԥсуа шьапылампыласцәа ашҭа иқәлеит ауапақәа рышәҵаны, ахҭарԥақәа рхаҵаны, ашәа "Аҳаҳаи, амарџьақәа" аҿакны.

4 / 17

Аԥснытәи акоманда Амедиалигаҿы раԥхьатәи ахәмарра иахәаԥшуан ачынуаа дуқәа, Аԥсны ахада Бадра Гәынба раԥхьа днаргыланы.

5 / 17

Атрибунақәа кәапеишәа иҭәын.

6 / 17

Ахәмарраан акыр ишәарҭаз аҭагылазаашьақәа аԥырҵон.

7 / 17

Амедиафутбол - Аԥсназы иҿыцу спортхкуп.

8 / 17

Аԥсуа шьапылампыласцәа амба акырынтә иажәлеит.

9 / 17

Аконтент - амедиафутбол иахәҭа хаданы иҟоуп.

10 / 17

Ахәмарра х-минуҭк ҳәа иаларгалеит ампыл ҟаԥшь, уи амба иҭазыршәуа акоманда иаразнак ҩ-кәаталак аиуеит.

11 / 17

"Чертаново" акоманда амбахьчаҩ дыӷәӷәан.

12 / 17

Москватәи акоманда иара убас 12-тәи ахәмарыҩ иалагаларазы ирымаз азин рхы иадырхәеит.

13 / 17

Аԥснытәи аспортсменцәа даара адгылара ӷәӷәа рыман ахәаԥшцәа рҟынтәи.

14 / 17

Ашьапылампыл иахәаԥшырц арахь иааит 8 нызқьҩык инареиҳаны абзиабаҩцәа.

15 / 17

Абираҟқәа шьҭыхны, "Аԥсны! Аԥсны!" ҳәа зегьы еицҿакны иҿырҭуан.

16 / 17

Ари ахәмарра ауаа ргәылаҟазаара акыр ишьҭнахит.

17 / 17

Ари амш зыла иабаз макьана акыраамҭа ирхашҭуам.