АҞӘА, цәыббра 2 - Sputnik. Аҟәа ақалақь аинфраструктура аиӷьтәреи ауааԥсыра рзы аманшәалара аизырҳареи ирызку азҵаарақәа ирылацәажәеит аҳҭнықалақь ахадараҿы.
Ақалақь ахада Ҭемыр Агрба агәамсам ақәгареи, ӡыла аиқәыршәареи, аҵеџь ҿыцқәа рыжреи, иара убас аҳҭнықалақь ауааԥсыреи асасцәеи адгылара зырҭаз аԥшаҳәеи асқьалеи реиҭашьақәыргыларазы апроектқәа рынагӡаразы аусурақәеи рырӷәӷәаразы анапынҵа ҟаиҵеит.
Иара убас, анхарҭа-коммуналтә нхамҩаз ашәахтәқәа реизгара ахылаԥшра арӷәӷәаразы адҵа ҟаҵан.
Уи адагьы, аҭоурыхтә ҵакы змоу анхарҭатә хыбрақәа рхаҿрақәа рырҿыцразы амҽхак ду змоу апрограмма хацыркхоит. Аамҭа кьаҿ иалагӡаны Арӡынба имҩаду аҿы иҟоу аҩнқәа ҩба реиҭашьақәыргылара азыԥхьагәаҭоуп. Аусурақәа зегьы архитектуратә ҟәша ахылаԥшра ӷәӷәа рыманы имҩаԥгахоит, ахыбрақәа рҭоурыхтә акзаара аиқәырхаразы.