АҞӘА, цәыббра 2 - Sputnik. Аҳаиртә еилахәыра "РусЛайн" жьҭаарамзазы Аҟәантәи Ханты-Мансиискҟа абилеҭқәа рыҭира иалагеит.
Аҟәатәи аҳаирбаӷәазаҿ ишырҳәаз ала, аҳаирпланқәа Bombardier CRJ100/200 рыла ҩашалеи сабшалеи ареисқәа мҩаԥгахалоит абри аихшанҵа инақәыршәаны.
Ханты-Мансиискнтәи идәықәлоит - 04:55, Аҟәа итәоит - 09:30.
Аҟәантәи идәықәлоит - 11:00, Ханты-Мансииск итәоит - 19:20.
Аԥырра аамҭа — 6 сааҭки 20 минуҭи.
Ханты-Мансииск — Саратов – Аҟәа амаршрут ала актәи аԥырра мҩаԥысит рашәара 28 рзы.