АҞӘА, цәыббра 7 — Sputnik. Ақәаршҩы иахылҿиааз аԥхасҭа ахәшьара аиҭеит Аҟәа ақалақь ахада ихаҭыԥуаҩ Константин Ҭарба акоммуналтә усбарҭақәа русзуҩцәа дрыцны.
Агәаҭараан иааԥшит:
Титова амҩаду аҿы иҟоу ҩ-ҩнык актәи аихагылақәа аӡы рыҩналеит,
Адлеиба имҩаду аҿы агәараҭақәа жәпакы аӡы рыҵалеит,
Коӷониеи Семерџьиеви рымҩадуқәа рҿы ҩ-уаҭахк ахыб аӡы кылсны иҩналеит,
Заречнаиа ауада аӡы ҩналеит ахыб ахькылжәаз иахҟьаны.
"Ақалақь ахадара ааха зауз ацхыраара рырҭоит. Ҳара амшцәгьа иахылҿиааз аԥыхразы аусмҩаԥгатәқәа мҩаԥаҳгоит, коммуналтә усбарҭақәа аҭыԥқәа рҿы аус руеит", — иҳәеит Ҭарба.